Niy wiym, od kedy sie zaczło godać na takich słabych kerowcow „niedzielny szofer”, ale wiym, od kiedy zaczli my z mojom ślubnom używać słowa „niydzielne narciorze”.Bydzie tymu nazod bez sztyrdzieści lot, w czasach jak Syrynka była marzyniym niyjednyj rodziny na Śląsku i na wyjazd z cołkom rodzinom do gor na narty czy sonki niy kożdy se mog pozwolić. Miyszkoł na blokach moj kamrat, z kerym żech do kupy robiył, i czynsto z mojom babeczkom my go odwiedzali, tymtuplym że jego baba była szwoczkom i jak to z babami jest, dycko tam coś do szycio było. Niy byłoby w tym nic dziwnego, do czasu aże se kupiyli auto Syrynka na odpłata. Cołki czas yno o tym aucie godoł, bo szpanowało go to, że jego somsiod kożdo sobota bez zima wyjyżdżoł swojim trabantym do Ustronia na narty. Przeboleć tego Hajnel niy poradziył, że takigo „ciućmoka” – tak go mianowoł – stać na auto i nowe narty dlo siebie, baby i dziecek. Mało tego, ale wszyjscy mieli nowe ancugi narciarskie kupione w Peweksie, a łon tu tyż ciynżko robi i baba dorobio na szyciu, a niy stać ich na to. Co widzioł przez łokno w sobota, że tyn ciućmok zaś narty przipino na dach w „trampku”, to sklinoł.Prziszoł jednak tyn dziyń, że Hajnel prziwioz ta utynskniono „królowo polskich szos”, a że było to już na podzim, to sie doczekać niy poradziył, kiedy tyż piyrszy roz wybierom sie z babom na narty. Dycko za bajtla jeździył na rostolicznych nartach, zrobionych z beczołek, i umioł jeździć, ale w gorach i na prawdziwych nartach to całkim co inkszego.Hajnel jednak ni mioł jeszcze nartow. Wzion kiedyś w niydziela rano baba ze synkiym, sonki do kofra i hajda ku Wiśle! Jak byli w Ustroniu pod Czantoriom, to łeboń ujrzoł tam ludzi, co sjyżdżali na sonkach, i już dalij jechać niy chcioł. Tam stanyli i zostali. Łebek se posjyżdżoł pora razy na sonkach, ale gibko mu sie zmierzło wylazować pod ta górka, przeca to niy były Kozi Gorki w Rybniku i trza było drałować do gory. Sonki zawarli do kofra w syrynce i uradziyli, że przejadom sie na wiyrch kolejkom na stołkach.Zajechali na som wiyrch, a z nimi mocka narciorzow. Wroz synek dugo Hajnela i palcym pokazuje na grupka narciorzow. – Jeronie! – padoł Hajnel. – Dziwej sie staro, kto to tam zdjyncia se robi! Była to znajomo rodzinka somsiadow, połoblykano w te szumne kombinezony, z brelami na czole. Stojom na stoku popodpiyrani kijkami i jakiś im zdjyncia cyko jejich zorkom. Potym symli narty, posiodali na stołeczki i sjechali na doł.– Obejrzi babeczko! A jo gupi myśloł, że łoni poradzom jeździć na tych deskach i pieronym mi żol było.Tak sie słożyło, że w jedna sobota my tam byli prawie i Hajnel mi godo: – Podź ku łoknie, obejrzi se „niydzielnych narciorzow”. I wszystko mi połosprowioł.Dzisioj, jak widza auto z nartami na dachu, wraco do mie te wspomniyni i kombinuja, czy to tyż niy som tacy, kerzi yno jadom se fotka zrobić na nartach.
Niy wiym, od kedy sie zaczło godać na takich słabych kerowcow „niedzielny szofer”, ale wiym, od kiedy zaczli my z mojom ślubnom używać słowa „niydzielne narciorze”.Bydzie tymu nazod bez sztyrdzieści lot, w czasach jak Syrynka była marzyniym niyjednyj rodziny na Śląsku i na wyjazd z cołkom rodzinom do gor na narty czy sonki niy kożdy se mog pozwolić. Miyszkoł na blokach moj kamrat, z kerym żech do kupy robiył, i czynsto z mojom babeczkom my go odwiedzali, tymtuplym że jego baba była szwoczkom i jak to z babami jest, dycko tam coś do szycio było. Niy byłoby w tym nic dziwnego, do czasu aże se kupiyli auto Syrynka na odpłata. Cołki czas yno o tym aucie godoł, bo szpanowało go to, że jego somsiod kożdo sobota bez zima wyjyżdżoł swojim trabantym do Ustronia na narty. Przeboleć tego Hajnel niy poradziył, że takigo „ciućmoka” – tak go mianowoł – stać na auto i nowe narty dlo siebie, baby i dziecek. Mało tego, ale wszyjscy mieli nowe ancugi narciarskie kupione w Peweksie, a łon tu tyż ciynżko robi i baba dorobio na szyciu, a niy stać ich na to. Co widzioł przez łokno w sobota, że tyn ciućmok zaś narty przipino na dach w „trampku”, to sklinoł.Prziszoł jednak tyn dziyń, że Hajnel prziwioz ta utynskniono „królowo polskich szos”, a że było to już na podzim, to sie doczekać niy poradziył, kiedy tyż piyrszy roz wybierom sie z babom na narty. Dycko za bajtla jeździył na rostolicznych nartach, zrobionych z beczołek, i umioł jeździć, ale w gorach i na prawdziwych nartach to całkim co inkszego.Hajnel jednak ni mioł jeszcze nartow. Wzion kiedyś w niydziela rano baba ze synkiym, sonki do kofra i hajda ku Wiśle! Jak byli w Ustroniu pod Czantoriom, to łeboń ujrzoł tam ludzi, co sjyżdżali na sonkach, i już dalij jechać niy chcioł. Tam stanyli i zostali. Łebek se posjyżdżoł pora razy na sonkach, ale gibko mu sie zmierzło wylazować pod ta górka, przeca to niy były Kozi Gorki w Rybniku i trza było drałować do gory. Sonki zawarli do kofra w syrynce i uradziyli, że przejadom sie na wiyrch kolejkom na stołkach.Zajechali na som wiyrch, a z nimi mocka narciorzow. Wroz synek dugo Hajnela i palcym pokazuje na grupka narciorzow. – Jeronie! – padoł Hajnel. – Dziwej sie staro, kto to tam zdjyncia se robi! Była to znajomo rodzinka somsiadow, połoblykano w te szumne kombinezony, z brelami na czole. Stojom na stoku popodpiyrani kijkami i jakiś im zdjyncia cyko jejich zorkom. Potym symli narty, posiodali na stołeczki i sjechali na doł.– Obejrzi babeczko! A jo gupi myśloł, że łoni poradzom jeździć na tych deskach i pieronym mi żol było.Tak sie słożyło, że w jedna sobota my tam byli prawie i Hajnel mi godo: – Podź ku łoknie, obejrzi se „niydzielnych narciorzow”. I wszystko mi połosprowioł.Dzisioj, jak widza auto z nartami na dachu, wraco do mie te wspomniyni i kombinuja, czy to tyż niy som tacy, kerzi yno jadom se fotka zrobić na nartach.
Komentarze