Drōga prowdy
Chocioż je w życiu dużo drōg
Kajś tam na przimo, bez pola,
Jedna nōm drōga pokazuje Bōg,
Szanować chca Jego wola.
Dowej Pōnbōczku dycko siył,
Jak drōga chca se skrōcić,
Choć żech już niyroz w polu bōł,
Na drōga prowdy wrōcić.
Stanisław "Fojerman" Neblik
27.02.2019 r.
xxx
Frelka
Nawet
niy wiysz
jak zowiszcza Zeusowi,
Bo tak blisko Ciebie bōł
A
Ty niczym Wenus na Ôlimpie
wele niygo
Widnioła żeś
tam
a Bogi sztyc śpiywały
dlo
Cia
A jo czekōm
tukej
Silesia czeko
Kej zamykōm
ôczy
Widza Cie yno...
Jeżeś
gwiazdōm,
kero świyci pustōm
nocōm.
We
ôczach Twojich zaś
jeji
ôgniki
Stała żeś sie frelkōm
z mojich marzyń
Mojōm
na wiosna i podzim.
A jo?
Sztyjc chca Cie widzie
Przo
dycki
Mojo frelko
Józef "Jromantyk" Porwoł
xxx
Rozpolōno…
Kej ciepłażeś mie na kolana,
jednym uśmiychym
zniywolyła dusza mojo.
Kej wejrzała żeś na mie
Twoji szwarne ôczka,
tak wiela przocio potrzebowały.
Jo go mioł za tela…
Wroz cołko kula ziymsko
pobulyła sie we ôsi
I pokozała na Cia, rozpolōno.
Ty jeżeś moji przeznaczyni
Tak wiela czasu minyło…
Józef "Jromantyk" Porwoł
Komentarze