post image
Dominik Gajda Stanisław Neblik - Fojerman ze swoim Velorexem

Elefant a mrowiec

 

Elefant a mrowiec

Szły roz kajś po trowie.

Ôroz mrowiec urwoł listko,

Elefantowi do ucha wcisko:

- Nańcie, elefancie,

Styrczcie do uszōw zatyczki.

Wyboczcie, jo tōmpia dycki.

 

Grimm a Bach

Wiysz, jo bych tyż rod groł tak,

Jak tyn Bach, na słōch, bez nut.

Ôn groł, co chcioł.

A tych dwōch: tyn Grimm

I tyn brat tam śnim.

Jo bych chcioł z pluc tak kłaś,

Tak jak ôn, Wōm sam baśń.

Dyć, kaj mie tam dō nich, pra.

Nō ja, jo chca tak sam tyn rym loć.

Nō toć, wiym, że jo je mi sie zdo tyn,

Co bōl mo z tym, co je rytm, a co rym.

I mie Bōg doł, co mōg. Je żech tłōk.

Tōż pa. Trzim sie tam. Brzink a bach.

Stach.

 

Fuzekla a fuzlapa

Śmioła sie fuzekla z fuzlapy:

- Jo lepszy pasuja do szłapy.

Fuzlapa pado: - Jo za to,

Choć je żech yno szmatōm,

To przidōm sie na wszystko.

Ty bydziesz fuzeklōm dycko.

Stanisław Neblik - Fojerman

Komentarze

Dodaj Komentarz