20021002
20021002


- To teraz „Dziyń Kobiyt” niy fajrujom w waszyj szkole ? Ty wiyszco to za wielki świynto kiejsik było? Spytej sie taty, jak nosił tulpy inelki do szkoły w tyn dziyń. Wiela sie musioł w kolejkach nastoć,żeby jaki kwiotek dostać. Jo tyż musioł stoć za kwiotkami, kożdy,kery yno w galotach chodziył musioł swoji odpokutować.Pamiyntom, jak roz kwiotkow brakowało, a kolejka chopow była nadwadziescia metrow długo, to ta sprzedowoczka musiała kartkawystawić, że yno po jednym nelku bydzie sprzedować, co by kożdydostoł, Mie i tak niy stykło, bo łostatnio neleka sprzedała mi przednosym.Od tego czasu żech co roku jeździył po kwiotki do ogrodnictwa aż naWodno, do Porale, kerego żech znoł od bajtla.To były czasy, jak ludzie to gibko zapomnieli. Kwiotkorze to mieliżniwa dycko przed tym „Babskim świyntym”.Te baby, kere robiyły to w robocie dostowały tyż rostolicznegeszynki. Przeważnie to, co w sklepach yno z pod lady człowiekdostoł. Jako tytka kawy „Robusta”, abo „Super”, a nikerych fyrmachto i pończochy stylonowe, abo rajstopy baby dostowały zapokwitowaniym. To było wielki świynto, a teraz na dwa dni przedtym i ty Kaziczku niy wiysz, że sie kwiotek paniczkom noleży.Jo to mom tak te świynto do palice wbite, ze kożdy rok starceReginie kwiotek przinosza. Dyć musisz pamiyntać, że łońskigo rokutyż my o tym godali. Przeca som żeś przinios starce czekulada, bośzapomnioł o kwiotku. Latoś ci zawczasu przipominom, co byś sie niyzblamiyrowoł. Starka upiecze chrostkow i przidziesz z tatom do nasna kawa.- Dobrze starziku, żeście mi przipomnieli, jo bych na dobre juzasprzepomnioł. Dobrze, że teraz niy trza w kolejkach za kwiotkamistoć. W czwortek rano ida zaroz kupić jaki piykny buket dlo starki idlo mamy.- A do rechtorki?- Musza sie nojprzod ze synkami z klasy ugodać, czy tyż keryprziniesie, bo mie weznom za jakigo przichlastka, jak sie somwyrychla.- Jo puda po kwiotki Kaziczku, to przibiera trzi bukety dlo ciebie.- To fajnie starziczku ! Dziynkuja Wom serdecznie. Ale dlo starki- kupcie frezje, bo łona ich tak rada wonio.- Niy starej sie, jo już tam wiym co kupić. Po drugi, nelkow już żechdowno niy widzioł w kwiaciarni, możno już wyszły z mody, tak jak tyn„Dziyń kobiyt”.

Komentarze

Dodaj komentarz