Wiosna

Wszycki ptoki som uż tukej,a bez wiosna ty jich szukej:kosy, drozdy i pinkawy,szpoki, czyże, sztyrnodel złotawy,szkowronki na niybie śpiywajom,a słowiki w krzach- se pszajomŚwiyrgotek ze świyrszczokym,Trefili se – nad potokym,Kulik, wodnik i karliczki,Ścinok, kibic, żółte pliszki,wysoło nom muzykujom,belekere w wodzie nurkujom.Raniuszek, kopciuszek i rudzik,rano budzom nos jak budzik.Na wiyrzbie jodluje nom wilgwa,a we hebzie makolongwa,jyno dziubskym bymbni dziyńcioł,z prykola stnyć musisz – chobyjś niy chcioł.Boczonie w gniozdach klekocom,cilipy pod nimi ćwiyrkocom.Jaskołki we chlywie na ścianie,gniozda lepiom tak ciacianie,a kej kukaczka zakołka,to je jaro dołokołka.W zegrodkach pokrzewki gwizdajom,melodyje piykne wywijajom:fonsoczka i ciyrniowka,piecuszek i tyż brelowka,piyrwiosnek ze lutniczkom,zolytujom – pod sośniczkom.Gyrlice ze szczyglikami,wadzom se ze konopkami.Muchosznapka chyto muchy,lecykedy tyż i kopruchy,gonsiorek ślypki dusi,na sztachle pikować jich musi.Ło tych ptokach szło by godać,cało wiosna – i nic dodać.