Prziszła do miasta, paniczka wystrojono !W parkach przisiadła i w ogrodach.Bolerko biołe łoblykła i kecka zielono,Do tego boso boroczka, nic nimo na nogach.Sikorka jom wito: Widzi Pon ! Widzi Pon !I miyndzy astkami lipy sie uwijo.Szpok i odpedzioł: Widza jom ! Widza jom !A jako jest gryfno bestyjo !Paniczka udowo, że nic niy słyszała,Biere sie zaroz gibko do roboty.Kwiotki i listki na stromach powiyszała,Bo przeca musi zdążyć do soboty.Wiśnie i cześnie nojprzod ukwiyciła,Potym gruszki i płonki paradne,Choby Młode Panie do ślubu przistrojiła,Ślub mo być w niedziela, potym welon spadnie.Już nad stromami żynioki furgajom,Pszczoły, ćmiyle i szmaterloki.Drabko te wszystki kwiotki zapylajom,Przeca robotne to som chroboki.Juzaś nad Rudom wyndkorze stojom,Ciche waryjoty na nich godajom.Utopkow sie wcale, widać niy bojom,Do wody glizdy na hoku puszczajom.W mieście na rynku, zaroz za fontannom,Siedzom na ławce i klachajom,Starzik Alojz ze sąsiadkom Annom,Na listonosza z pynzyjom czekajom.Alojz co chwila za frelkami sie łoglondo,Widać słońce krew mu ogrzoło,Ku tym krotkim keckom oczy mu prziciągoI mina mo przi tym jakoś wesoło.Kto to tak poradzi rozweselić ludzi ?I do zegrodek z grabkami posłać.Cołko do życio prziroda obudzić !Jest tako paniczka - no przeca Wiosna !
Komentarze